Текст песни Анна Чочиева — Баргъæвстæн (acoustic)

Музыка Анны Чочиевой, стихи Таймураза Хаджеты

БАРГЪÆВСТÆН

Баргъæвстæн дæ уазал цæстæнгасы,
Уый мæ туг йæ сабыр цавдæй зоны.
Кувæг лæгау ривад кувæндоны
Судзын демæ цины æмæ тасы.

Уыд мæ царды урс сатæг изæртæ,
Удæнцой сæ иу мисхал нæ райстон.
Де 'взонгдзинад агайы мæ зæрдæ
Дзулы тæфау хосгæрдæны райсом.

Дидин калы састнымæткъуы уалдзæг,
Уыйау æз лæууын, мæ хур, æдзынæг,
Ивгъуыдæй æрцыдтæн цыма уазæг,
Ног амондыл нал сахуыр уыдзынæн.

Кады фæдыл никæд уыдтæн ардыд,
Зад мæнæу нæ ракъуыбыр мæ фæдтыл.
Хорзæн хорз куы фыстаиккам царды, —
А дуне ныттыхтаин мæ æрмты.