Текст песни Андрей Кузнецов — Шурӑ сирень ҫеҫкисем

Шурӑ сирень ҫеҫкисем

Асӑмрах тытап ятна,
Чунӑмрах упрап сӑнна,
Чӑн телейлӗччӗ ун чух,
Сад пахчи ешернӗ чух.

Кӗрен тухӑҫ киличчен,
Ҫутӑ ҫӑлтӑр сӳниччен,
Сирень тӗмӗ хӳттинче
Пит илемлӗ-ҫке тӗнче!

Юттине юратрӑн-ши?
Тур ҫырни пулмарӑн-ши?
Кӗске пулчӗ тӗлпулу,
Сӳнчӗ маншӑн йӑл куллу.

Халь те шурӑ ҫеҫкесем,
Чунӑм савнӑ чечексем.
Асӑмрах-ҫке ҫав каҫсем,
Таса, ҫутӑ ӗмӗтсем!

Шур сирень ҫеҫкисем,
Ҫӑлтӑр евӗр таса куҫлисем,
Чунӑмрах, асӑмрах чи ачаш туйӑмсем,
Тӗлпулушӑн хавас каҫӑмсем.