Текст песни САНДЫР — КУЧАПИ

Кучапи (Я – щенок)

Шедьтӥд монэ шур дурысь,
Куак улысь,
Мон соин ик тон дорысь
Со дырысь
Нокытчы уг кошкиськы,
Огнадэ уг кельтӥськы.
Кучапи мон, кучапи –
Ав, ав, ав!
Монэ утемед понна –
Тау, тау, тау!
Гужем ӵошен шудомы
Шур дурын.
Туж ческыт ук ӝыт омыр
Возь вылын.
Гуждорын погылляськом,
Дун вуын шопылляськом.
Кучапи мон, кучапи –
Ав, ав, ав!
Эш кариськемед понна –
Тау, тау, тау!
Школае ке тон мынид,
Мон кылё.
Монэ ӟеч ке думылӥд –
Сёт лёлё.
Юртъерез мон ӟеч утё,
Школаысь тонэ витё.
Кучапи мон, кучапи –
Ав, ав, ав!
Монэ утемед понна –
Тау, тау, тау!
Гужемез воштоз гужем –
Будомы.
Армие тонэн ӵошен
Мыномы.
Горд кунгожез возьмалом,
Тушмонлэсь сое утём.
Кучапи мон, кучапи –
Ав, ав, ав!
Эш кариськемед понна –
Тау, тау, тау!