Текст песни Попова Эльвира — Канде каваште

Канде каваште шуко пеш шӱдыр,
Иктыжлан веле чонем йӱла.
Тыйым вашлийым, йӱксӧ гай ӱдыр,
Молан шӱмемже утыр кыра?

Лывыла модын, ошкыл кайыметшым
Кажне гана умбачын ончем.
Кече гай шыргыж, ваш ончалметшым
Мондаш ала огеш лий, шонем.

Мыйже шижам вет, тидым от пале,
Да тыланетше йӧршеш нимолан.
Уло шӱм-чон ден весым йӧрате,
Шке семынет тый лий пиалан.

Роза пеледыш – сылне пеледыш,
Молан вара тый пеш пеледат?
Самырык пагыт – ош мӧр пеледыш,
Ик гана веле молан толат?