Текст песни П. Чучка — Я люблю гнуй

Я люблю гнуй

Я люблю гнуй, коли вун пахне,
коли''го чути вичар на цілой село,
коли у ньому курка зирня найде,
коли на ньому співать ситий воробок

Я люблю гнуй, коли вун гріє,
Коли вун мнякне в газдувських руках,
Коли червак у ньому довго жиє,
Коли лежить вун пластом на полях.

Я люблю гнуй, коли вун од корови
коли барацки коло нього заквинуть,
коли вночи над ним літають сови,
а вдинь гнойовку мухи з нього п''ють.

Я люблю гнуй, коли гноять ним зимлю.
Я зимлю люблю, погноєну ним.
Коли в руках я дараб гною тримлю,
я знам, же я єм тої зимлі син.

Я люблю сісти на громаді гною,
далеко видіти з високого горба
и вупити з зеленими кертами
канчув червеного вина.

1984 р.