Текст песни Назира Яппарова — Татар гармуны

Татар гармуны
Нәзирә Яппарова көе һәм сүзләре

Йөрәкләрдән-йөрәкләргә
Син бит күпер салучы.
Җәйге кичтә урамнарда,
Өздерә бер гармунчы.

Уйный татар гармуны,
Җырлый татар гармуны.
Гармунчының йөрәгеннән,
Агыла халкым моңы.

Әй гармунчы ни уйлыйсың,
Баса-баса телләрен.
Сөйгәне генә беләдер,
Гармунчының серләрен.

Уйный татар гармуны,
Җырлый татар гармуны.
Гармунчының йөрәгеннән,
Агыла халкым моңы.

Гашыйкларның серле моңы,
Күңелләрне юата.
Гармун моңына үрелеп,
Сихри ал таңнар ата.

Уйный татар гармуны,
Җырлый татар гармуны.
Гармунчының йөрәгеннән,
Агыла халкым моңы.