Текст песни Iлюжан — Вакно

Вакно

У нашае вакно
Зорачкі відно –
Самыя прыгожыя
На свеце.
У нашае вакно
Бачны горад наш,
Заўтра нас у ім
Сонейка прывеціць.

У нашае вакно
Стукаецца дождж,
Май пяшчотны
І гарачы ліпень.
У нашае вакно
Вецер шапаціць
І лістотай шчыра
Машуць ліпы.

У нашае вакно
Залятае смех,
Песні і чароўныя каметы.
Гэта ўсё таму,
Што яго ўдвох
Адчынілі мы
Насустрач Свету.