Текст песни Elmaz Kakura — Şemsiyeniñ tübünde

Şemsiyeniñ tübünde ekimiz,
Yağmurnıñ yırını diñleymiz.
Şemsiyeniñ tübünde sevgimiz,
Vaqıtnıñ keçkenni duymaymız.
Közümni üzmeyim közüñden,
Özümni hoş duyam yanıñda,
Ediye olaraq sevgimden
Bu gece qalacaq hatrımda.

Söz berdik beraber, beraber keçmege
Arzulı ayatnıñ yolunı.
Şeñ baar ilk sevgi, ilk sevgi bizlerge
Açtılar ayatnıñ sırını.

Şemsiyeniñ tübünde ekimiz,
Yağmurnıñ yırını diñleymiz.
Şemsiyeniñ tübünde sevgimiz,
Vaqıtnıñ keçkenni duymaymız.
Menim de qalbimden silinmez,
Bu yağmur, bu bahtlı daqqalar.
Bil, seni sevgenday sevilmez
Diger qız ve diger dulaqlar.