Текст песни Денисова Татьяна — Таҥем (Милый)

Ош йолгорно, ош йолгорно -
Толмо корно тыланет.
Ош йолгорно шуйныш порын
Мыйын чон гыч тый декет.
Вашлияш лектам гын водын,
Ӱшанаш ок лий, шонет?
Йӱштӧ лупс лач шудыш возо -
Ок нӧрӧ йолет.

Таҥем, таҥем,
Каласе мыланем:
«Таҥем, таҥем,
Мый тыйым йӧратем».
Кунам, таҥем,
Лият тый пеленем?
Таҥем, таҥем,
Каласе мыланем.

Сад пеледме пагыт эртыш,
Мом алят вучен илет?
Мужыр кӧгӧрченлык пӧртым
Мо тынар кужун чоҥет?
Ший сава ден йолгорнетым
Ӱшанен адак солем:
Мый декем толаш шонет гын,
Ит шӱртньӧ, чонем.

Почешем коштеш гын весе,
Ит шонкале ойганен.
Вожылат арамак, рвезе,
Лачак тыйым вел вучем.
Корнешет поран возеш гын,
Лум куаш садак лектам,
У йолгорным, тӧрым, весым,
Тыланет почам.