Текст песни Байбал Сэмэнэп — Оhуордаах ыйдана

1. Таптыыбын оhуордаах ыйдаҥа
Тыла суох имэҥнээх ырыатын,
Сулустан сулуска кыйданар
Сүрэҕим дьиктилээх ыратын.
Оһуордаах ыйдаҥа сырдыгар
Сир-халлаан сибээhин көрөбүн,
Сирдээҕи тапталбыт кырдьыга
Күндэлэс күлүктэн көбөрүн.

Кэрэни кэрэхсии кэлбиппин,
Олоҕу, дьоннору, эйигин
Олустук мин таптыыр эбиппин.

2. Таптыыбын тумарык туманы
Тылбынан курдаттыы сүүрэрбин,
Чынайар чыпчаалга тураммын
Чэпчэки кынаппын тиирэрбин.

3. Таптыыбын оhуордаах ыйдаҥа
Тыла суох имэҥнээх ырыатын,
Сырдыгы кытары хараҥа
Көстүбэт силбэhэр кынатын.