Текст песни Бæрзæфцæг — Уæууæй (Токаты Алихан)

Уæууæй, нæуæндаг, кæнæм фыдвæндаг —
Алырдæм куы акæсай дзæбæх:
Къуымых — нæ æвзаг, къуындæг — нæ фæндаг,
Н' алыварс — тархъæд, къæдзæх!

Цæуы кæдæмдæр куырмæй нæ фæлтæр
Иугæйттæй былтæй кæлгæ...
Кæуы нæ сыл дæр, ирæд фæфылдæр...
Кæугæ ды дæр сау куыдæй, кæугæ!

Кæм уа цæрвджындæр, уырдæм нæ хуыздæр
Къах-къухтыл кафгæ цæуы.
Кæм уа нæ зындæр, уым та мæгуырдæр
Сау цæссыг калгæ кæуы...

Цæй, ныр цы кæнæм, куырмæй куыд цæрæм?
Кæй аххос кæнæм нæ зын?
Æмвæнд нæ кæнæм, æнгом нæ цæуæм...
Уастырджи, фæзын нæм, фæзын!..