Текст песни Afize Yusuf-qızı — Beşik yırı

Geceleri beşiginiñ başında,
Baht tolu saatlerini keçirem.
Seni sağlam yaşasıñ dep, aynenni,
Saña temiz ana sütüni içirem.

İstegim bar - ös, alim ol, evlâdım,
Yerniñ, kökniñ gizli sırını ögren baq.
Bahtlı ol bu dünyada, aynenni,
Seniñdir yeşil ada, güzel Qırım.

Qartlığımda ayatıma direksiñ,
Sen em maña, em Vatanğa kereksiñ.
Namuslı ol, aqiqaten cesür ol,
Vatanıñda saña açıq yol.